Research to feed the world, protect the planet: August 2012

Friday, 31 August 2012

សមាជិកអាស៊ាន ៥ប្រទេសបង្កើតសមាគមអ្នកជំនួញស្រូវអង្ករ

ដាក់បញ្ចូលថ្ងៃ 31 August 2012, 16:46 AEST

រដ្ឋាភិបាលកម្ពុជា, វៀតណាម, ឡាវ, ថៃ និងភូមា បានយល់ព្រមបង្កើតសមាគមអ្នកជំនួញស្រូវអង្ករមួយ ដែលគេជឿថាជាការបង្កើតលើកដំបូងគេក្នុងពិភពលោក។

រដ្ឋមន្ត្រីពាណិជ្ជកម្មកម្ពុជាលោក ចម ប្រសិទ្ធិ ធ្វើសេចក្តីប្រកាសបែបនេះ នៅក្នុងកិច្ចប្រជុំអាស៊ានថ្នាក់រដ្ឋមន្ត្រីសេដ្ឋកិច្ច ដែលប្រារព្ធធ្វើឡើងនៅខេត្តសៀមរាប។
នៅក្នុងកិច្ចព្រមព្រៀង បង្កើតសមាគមនេះ ថៃនឹងបើកតំបន់សេដ្ឋកិច្ចសេរីមួយតាមព្រំដែនរបស់ខ្លួន ដើម្បីជួយឲ្យប្រទេសជិតខាងអាចនាំចេញអង្កររបស់ខ្លួន ក្នុងគោលបំណងបង្កើនការនាំចេញអង្ករជាទូទៅ។
សមាគមមួយនេះ ក៏នឹងធ្វើការចែលរំលែកគ្នាទៅវិញទៅមកនូវព័ត៌មានទីផ្សារ និងបទពិសោធន៍ដើម្បីបង្កើតឲ្យមានប្រព័ន្ធធ្វើជំនួញ និងផលិតផលមួយប្រកបដោយចីរភាព៕

ABC Radio Australia http://www.radioaustralia.net.au/khmer/2012-08-31/1009022

សម្ពន្ធរដ្ឋកោះតូចៗព្រួយបារម្ភពីការប្រែប្រួលអាកាសធាតុ

ដាក់បញ្ចូលថ្ងៃ 31 August 2012, 16:24 AEST

កិច្ចប្រជុំនៅប្រទេសថៃរវាងក្រុមអ្នក ចរចាស្តីអំពីការប្រែប្រួលអាកាសធាតុ ឲ្យដឹងថា ព្រឹត្តិការណ៍ធំៗ ដែលបណ្តាលមកពីគ្រោះធម្មជាតិ ហើយដែលមានជាបន្តបន្ទាប់នៅជុំវិញពិភពលោកនេះ ជាសញ្ញាមួយតម្រូវឲ្យមានការបន្ថយជាបន្ទាន់នូវការបញ្ចេញឧស្ម័នកាបូន ទៅក្នុងបរិស្ថាន។

កិច្ចប្រជុំអង្គការសហប្រជាជាតិដែលមានរយៈពេល១សប្តាហ៍ បានបើកការពិភាក្សានៅថ្ងៃនេះក្នុងក្រុងបាងកក ដែលជាក្រុងមួយរងគ្រោះដោយទឹកជំនន់យ៉ាងធ្ងន់ធ្ងរកាលពីឆ្នាំ មុន។

ប្រធានសម្ពន្ធរដ្ឋកោះតូចៗ លោកស្រី Marlene Moses ដែលជាតំណាងអចិន្ត្រៃយ៍រដ្ឋកោះ Nauru ប្រចាំនៅអង្គការសហប្រជាជាតិដែរនោះ មានប្រសាសន៍ថា អាកាសធាតុដ៏អាក្រក់នៅសហរដ្ឋអាម៉េរិក និងនៅកូរ៉េក្នុងសប្តាហ៍នេះ គឺជាការក្រើនរំលឹកដ៏មានឥទ្ធិពលមួយចំពោះភាពចាំបាច់នៃការទប់ ស្កាត់ការបញ្ចេញឧស្ម័នជាតិពុលទៅក្នុងបរិយាកាស។

លោកស្រី បានឲ្យដឹងផងដែរថា រដ្ឋកោះតូចៗ ងាយរងគ្រោះថ្នាក់នឹងការប្រែប្រួលអាកាសធាតុជាពិសេស ហើយបើការការពារចំពោះរដ្ឋកោះទាំងនោះពីការប្រែប្រួលអាកាសធាតុ ទទួលបរាជ័យ នោះអាចធ្វើឲ្យការអភិវឌ្ឍរយៈពេលយូររបស់រដ្ឋកោះទាំងនោះស្ថិត ក្នុងសភាពប្រថុយប្រថាន៕

ABC Radio Australia http://www.radioaustralia.net.au/khmer/2012-08-31/1009026

Wednesday, 29 August 2012

ឥណ្ឌូណេស៊ីចុះហត្ថលេខាទិញអង្ករពីប្រទេសកម្ពុជា

ដាក់បញ្ចូលថ្ងៃ 29 August 2012, 17:59 AEST

នៅថ្ងៃអង្គារម្សិលមិញនេះ ប្រទេស ឥណ្ឌូណេស៊ី បានចុះហត្ថលេខាលើកិច្ចព្រមព្រៀងទិញអង្ករយ៉ាងតិច១សែន តោនក្នុងមួយឆ្នាំពីប្រទេសកម្ពុជា។អនុស្សរណៈយោគយល់ លើពាណិជ្ជកម្មស្រូវអង្ករនេះ ត្រូវបានចុះហត្ថលេខារវាងរដ្ឋមន្រ្តីក្រសួងពាណិជ្ជកម្មនៃប្រទេស កម្ពុជា លោក ចម ប្រសិទ្ធ និងរដ្ឋមន្រ្តីក្រសួងពាណិជ្ជកម្ម ឥណ្ឌូណេស៊ី លោក Gita Wijrawan នៅក្រុងសៀមរាប។

លោក រដ្ឋមន្រ្តី ចម ប្រសិទ្ធ មានប្រសាសន៍ប្រាប់អ្នកយកព័ត៌មាន នៅក្រោយពិធីចុះហត្ថលេខាថា យោងទៅតាមក្រោមកិច្ចព្រមព្រៀងនេះ ប្រទេសឥណ្ឌូណេស៊ី នឹងទិញអង្ករយ៉ាងតិច១សែនតោន ក្នុងមួយឆ្នាំពីប្រទេសកម្ពុជា។
លោក ចម ប្រសិទ្ធ ឲ្យដឹងដែរថា ថាថ្លៃអង្ករលក់នេះ នឹងផ្អែកទៅលើតម្លៃនៅលើទីផ្សារ និងថានេះជាលើកទីមួយហើយដែលប្រទេសកម្ពុជានឹងលក់អង្ករទៅអោយ ប្រទេសឥណ្ឌូណេស៊ី។
ជាមួយគ្នានេះដែរ រដ្ឋមន្រ្តីក្រសួងពាណិជ្ជកម្មនៃប្រទេសឥណ្ឌូណេស៊ីលោក Gita Wijrawan មានប្រសាសន៍ថា អនុស្សរណៈយោគយល់នេះ ជាជំហានដំបូងនៃជំហានជាច្រើនទៀតក្នុងកិច្ចសហប្រតិបត្តិការលើ ស្រូវ អង្ករ ដែលឥណ្ឌូណេស៊ី នឹងមានលទ្ធភាពអាច ពង្រឹងទំនាក់ទំនងជាមួយប្រទេសកម្ពុជា។
លោកភូ ពុយ ប្រធានសមាគមម៉ាស៊ីនកិនស្រូវកម្ពុជា មានប្រសាសន៍ថា កិច្ចព្រមព្រៀងលក់អង្ករទៅប្រទេសឥណ្ឌូណេស៊ីនេះ មានភាពប្រសីរណាស់ពីព្រោះប្រទេសកម្ពុជាមានសល់ស្រូវអង្ករ គ្រប់គ្រាន់សម្រាប់នាំចេញ។
លោក ភូ ពុយ មានប្រសាសន៍ឲ្យផងដែរថា នៅពេលច្រើនឆ្នាំកន្លងទៅនេះ ឥណ្ឌូណេស៊ីក៏ធ្លាប់បានទំនាក់ទំនងទិញអង្ករពីប្រទេសកម្ពុជាដែរ ប៉ុន្តែមិនត្រូវគ្នានឹងតម្លៃដោយសារឥណ្ឌូណេស៊ីប្រៀបប្រដូចថា អង្ករវៀតណាមមានតម្លៃថោកជាងអង្ករកម្ពុជា។
សូមរំលឹកថា នៅឆ្នាំកន្លងទៅនេះប្រទេសកម្ពុជាផលិតស្រូវបានជាង៨លានតោន។ ដោយមានអង្ករសេសសល់ជាង២លាន៥សែនតោនសម្រាប់នាំចេញនៅឆ្នាំនេះ។ យោងទៅតាមក្រសួងពាណិជ្ជកម្មកម្ពុជាឲ្យដឹងថា នៅឆ្នាំកន្លងទៅនេះកម្ពុជាបាននាំចេញអង្ករប្រមាណ១សែន៧ ម៉ឺនតោន៕

ABC Radio Australia http://www.radioaustralia.net.au/khmer/radio/onairhighlights/1007726

Thursday, 23 August 2012

ការស្រាវជ្រាវវិទ្យាសាស្រ្ត និងការប្រឈម

ដាក់បញ្ចូលថ្ងៃ 23 August 2012, 16:57 AEST

ការសិក្សាស្រាវជ្រាវ ផ្នែកវិទ្យាសាស្រ្តជាផ្នែកមួយដ៏សំខាន់សម្រាប់គ្រឹះស្ថានឧត្តម សិក្សានៅតាមបណ្តាប្រទេសទាំងឡាយនៅទូទាំងពិភពលោកប្រយោជន៍ដើម្បី ធ្វើការអភិវឌ្ឍ និងដោះស្រាយបញ្ហាផ្សេងៗដែលប្រទេសកំពុងជួបប្រទះ និងដើម្បីជាមូលដ្ឋានក្នុងការធ្វើការសម្រេចចិត្ត។ ជាធម្មតានៅពេលដែលការស្រាវជ្រាវបានរកឃើញនូវអ្វីដែលថ្មី និងប្លែក អ្នកស្រាវជ្រាវតែងតែយកមកធ្វើការចែករំលែក និងផ្សព្វផ្សាយនៅតាមបណ្តាសន្និសីទផ្សេងៗទាំងក្នុងប្រទេស និងក្រៅប្រទេស។

ជាមួយគ្នានេះដែរ សមាគមគីមីកម្ពុជាដែលមានសមាជិកជាអ្នកសិក្សាស្រាវជ្រាវផ្នែក វិទ្យាសាស្រ្តនៅតាមបណ្តាសាកលវិទ្យាល័យផ្សេងៗក៏នឹងរៀបចំនូវ សន្និសីទប្រចាំឆ្នាំរបស់ខ្លួន នៅថ្ងៃទី ២៤-២៥ ខែ សីហា នេះក្រោមប្រធានបទ "គីមី និងជីវិត" ដោយមានការចូលរួមពីសមាជិកសមាគម ព្រមទាំងអ្នកសិក្សាស្រាវជ្រាវមកពីប្រទេសបារាំង អាឡឺម៉ង់ និងបារាំងជាដើម។

លោក ស្រីបណ្ឌិត សៀង ហ៊ុយ ប្រធានប្រតិបត្តិសមាគមគីមីកម្ពុជាបានលើកឡើងពីគោលបំណងនៃការ រៀបចំសន្និសីទប្រចាំឆ្នាំថា ការរៀបចំសន្និសីទនេះមានគោលបំណងដើម្បីលើកកំពស់ការយល់ដឹងជា ទូទៅលើការអភិវឌ្ឍន៍វិទ្យាសាស្រ្ត បច្ចេកវិទ្យា ការអនុវត្ត និងការអប់រំទាក់ទងនឹងផ្នែកគីមី ព្រមទាំងការចែករំលែកបទពិសោធន៍ផ្សេងៗ។

ជាមួយ គ្នានេះដែរលោកស្រីក៏បានបញ្ជាក់ពីសារៈ សំខាន់ក្នុងការស្រាវជ្រាវវិទ្យាសាស្រ្តដើម្បីដោះស្រាយ ឬរកឲ្យឃើញនូវបញ្ហាដែលសង្គមកំពុងជួបប្រទះ។

(សំឡេងលោកស្រីបណ្ឌិត សៀង ហ៊ុយ)

ប្រ សិនបើគេក្រឡេកមើលពីការស្រាវជ្រាវវិទ្យា សាស្រ្តនៅតាមបណ្តាសាកលវិទ្យាល័យនៅក្នុងប្រទេសកម្ពុជាវិញ គេសង្កេតឃើញថាមានតែសាកលវិទ្យាល័យរដ្ឋប៉ុណ្ណោះដែលមានការសិក្សា ស្រាវជ្រាវផ្នែកវិទ្យាសាស្រ្ត តែសាកលវិទ្យាល័យឯកជនគេពុំសូវឃើញមានការផ្តល់វគ្គបណ្តុះបណ្តាល ឬស្រាវជ្រាវវិទ្យាសាស្រ្តនោះទេ។ ចំណែកឯការស្រាវជ្រាវទៀតសោតភាគច្រើនជាការសិក្សាស្រាវជ្រាវ ក្នុងគម្រោងសហប្រតិបត្តិការជាមួយបណ្តាប្រទេសដទៃទៀត ចំណែករដ្ឋាភិបាលក៏គ្មានកញ្ចប់ថវិកាសម្រាប់ការស្រាវជ្រាវនោះដែរ ទោះបីជាក្រសួងអប់រំយុវជន និងកីឡាបានចេញសេចក្តីណែនាំជំរុញ និងលើកទឹកចិត្តឲ្យមានការស្រាវជ្រាវនៅតាមបណ្តាគ្រឹះស្ថាន សិក្សាផ្សេងៗក្តី។ នេះបើតាមការបញ្ជាក់របស់កញ្ញា ឡុង សូលីដា សាស្រ្តាចារ្យសាកលវិទ្យាល័យភូមិន្ទភ្នំពេញ។ ទោះជាមានការរីកចម្រើនទាក់ទងទៅនឹងការស្រាវជ្រាវវិទ្យាសាស្រ្ត ក៏ដោយ ក៏ការស្រាវជ្រាវនេះមិនអាចប្រៀបធៀបទៅនឹងបណ្តាប្រទេសដែលនៅក្នុង តំបន់អាស៊ានបានដែរ។

ជាមួយគ្នានេះការស្រាវ ជ្រាវវិទ្យាសាស្រ្តក៏នៅ ជួបប្រទះនូវបញ្ហាប្រឈមមួយចំនួនដូចជាកង្វះខាតថវិកា សម្រាប់ដំណើរការស្រាវជ្រាវ ព្រមទាំងការបោះពុម្ពផ្សាយនូវលទ្ធផលស្រាវជ្រាវជាដើម។

(សំឡេង កញ្ញា ឡុង សូលីដា)

សរុប មកទោះបីជាការស្រាវជ្រាវហាក់បីដូចជាមាន ការរីកចម្រើនក៏ដោយ នេះបើតាមការអះអាងរបស់លោកស្រីប្រធានសមាគមគីមី ក៏ប៉ុន្តែបញ្ហាប្រឈមដូចជាកង្វះខាតថវិកានៅតែជាឧបសគ្គនៅឡើយ៕

ABC Radio Australia http://www.radioaustralia.net.au/khmer/radio/onairhighlights/1004700

Research to feed the world, protect the planet

Labels

Friday, 31 August 2012

សមាជិកអាស៊ាន ៥ប្រទេសបង្កើតសមាគមអ្នកជំនួញស្រូវអង្ករ

សមាជិកអាស៊ាន ៥ប្រទេសបង្កើតសមាគមអ្នកជំនួញស្រូវអង្ករ

សម្ពន្ធរដ្ឋកោះតូចៗព្រួយបារម្ភពីការប្រែប្រួលអាកាសធាតុ

សម្ពន្ធរដ្ឋកោះតូចៗព្រួយបារម្ភពីការប្រែប្រួលអាកាសធាតុ

Wednesday, 29 August 2012

ឥណ្ឌូណេស៊ីចុះហត្ថលេខាទិញអង្ករពីប្រទេសកម្ពុជា

ឥណ្ឌូណេស៊ីចុះហត្ថលេខាទិញអង្ករពីប្រទេសកម្ពុជា

Thursday, 23 August 2012

ការស្រាវជ្រាវវិទ្យាសាស្រ្ត និងការប្រឈម

ការស្រាវជ្រាវវិទ្យាសាស្រ្ត និងការប្រឈម

Angkor Wat

Cambodian Radio

Cambodian News

Labels

Friday, 31 August 2012

សមាជិក​អាស៊ាន ៥​ប្រទេស​បង្កើត​សមាគម​អ្នក​ជំនួញ​ស្រូវ​អង្ករ

សមាជិក​អាស៊ាន ៥​ប្រទេស​បង្កើត​សមាគម​អ្នក​ជំនួញ​ស្រូវ​អង្ករ

សម្ពន្ធរដ្ឋ​កោះ​តូចៗ​ព្រួយ​បារម្ភ​ពី​ការ​ប្រែ​ប្រួល​អាកាស​ធាតុ

សម្ពន្ធរដ្ឋ​កោះ​តូចៗ​ព្រួយ​បារម្ភ​ពី​ការ​ប្រែ​ប្រួល​អាកាស​ធាតុ

Wednesday, 29 August 2012

ឥណ្ឌូ​ណេស៊ី​ចុះ​ហត្ថលេខា​ទិញ​​អង្ករពី​ប្រទេស​កម្ពុជា​

ឥណ្ឌូ​ណេស៊ី​ចុះ​ហត្ថលេខា​ទិញ​​អង្ករពី​ប្រទេស​កម្ពុជា​

Thursday, 23 August 2012

ការ​ស្រាវ​ជ្រាវ​វិទ្យា​សាស្រ្ត និង​ការ​ប្រឈម

ការ​ស្រាវ​ជ្រាវ​វិទ្យា​សាស្រ្ត និង​ការ​ប្រឈម

Cambodian Radio

Cambodian News

សមាជិកអាស៊ាន ៥ប្រទេសបង្កើតសមាគមអ្នកជំនួញស្រូវអង្ករ

សមាជិកអាស៊ាន ៥ប្រទេសបង្កើតសមាគមអ្នកជំនួញស្រូវអង្ករ

សម្ពន្ធរដ្ឋកោះតូចៗព្រួយបារម្ភពីការប្រែប្រួលអាកាសធាតុ

សម្ពន្ធរដ្ឋកោះតូចៗព្រួយបារម្ភពីការប្រែប្រួលអាកាសធាតុ

ឥណ្ឌូណេស៊ីចុះហត្ថលេខាទិញអង្ករពីប្រទេសកម្ពុជា

ឥណ្ឌូណេស៊ីចុះហត្ថលេខាទិញអង្ករពីប្រទេសកម្ពុជា

ការស្រាវជ្រាវវិទ្យាសាស្រ្ត និងការប្រឈម

ការស្រាវជ្រាវវិទ្យាសាស្រ្ត និងការប្រឈម